ألم ياناس زاد الحزن والهم

كلمات /نائف زين ناصر
١٥اغسطس ٢٠١٨م

ألم ياناس زاد الحزن والهم *
وزاد الظلم في الارض الخرابه*
وجانا وقت كم عذب ودرم *
وكم شفنا عجائب من كتابه *
بواقع في البلد شفناه مبهم*
و منذ أعوام كم سمنا عذابه *
فكم من كفو في فعله متمم *
مغيب عننا مؤلم غيابه *
وكم فاشل مصدق لو تكلم*
وكم كذاب شاهدنا سرابه *
ونائف زين في الأبيات عمم*
كتب من قلب صادق في جوابه*
ووينك ياقلم احتاج ارسم *
وباكتب ياقلم قول المهابه *
وللغلبان ذي قد صار معدم *
له الرحمن بايشفي مصابه *
غلاء الأسعار هد احوال واهرم *
وخلى الناس في حالة نحابه *
ووين أهل السياسه منك يا غم *
او الواقع صبحنا وسط غابه *
وانا باحزيك من اعجم تكلم *
يقول الحق لو يبلغ نصابه *
وله شقين فكر به واعزم *
عرف للكل نشرب من شرابه *
سبعه حروف اسمه قول لي تم *
لسانه داخله ميله حنابه *
وفي القرآن هو مرات إعلم *
ذكر يا صاحبي نشتي ؛الإجابة *
وصلوا عالنبي طه المكرم *
عدد رمل الفلا ذكره حجابه*